(B. Larade XVIIe s.)
Si jo podí volerí ricaments
En gotas d'òr eu leit de Margualida
Caiger la neit eu punt qu'ei adromida
Per non gausar descrobir mos torments
Mon Dieu, lavetz, que de contentaments
Harèn bèth còp ma gran pena adocida
E la dolor de mi horabandida
Se trobaré e totis languiments
Jo volerí qu'aquera neit durèsse
Un an o dus ses que mos esclarèsse
Lo bèth sorelh jamès ni pòc ni pro
Sonque tostemps demorèsse escurosa
Tant qu'eu leitet dab la mia amorosa
Jo caçarí lonh lonh tota dolor