Cèu de Bigòrra

(Julos-Les Granges)

Arrepic :
Eth mié cèu de Bigòrra
Que’u cantarèi encòra,
Sovent l’èi sonjat,
Sovent, sovent,
Qu’ei tostemps esperat.
Sus eth camin de casa
Qu’arretròbi eth plaser
De shiular, de cantar
A tots eths vents
Eth plaser de t’aimar.

Quan floreish ‘ra vriuleta,
Quan reneish eth primtemps,
Quan vié ‘ra irongleta
Sus er’ala deth vent,
Quan ath pè dera lana
‘Ra cançon deth arriu
Cort ath mei dera brana
Ath sorelh deth abriu.

‘Ra sason deras palomas,
Quan devara eth aulhèr,
Peras vaths e ‘ras comas
Shiula’th vent des.hoelhèr,
Quan eth cèu se’n amanta
Ara fin deth estiu
E quan eth cocut canta
‘Ra cançon deth abriu,

Eth ivèrn, en cornèr,
Pensi a mas amors,
Aths perfums de julhet…
Ah ! Coma em urós !
E’t soviés deras promessas,
E der’aulor deth blat,
Deths moments de tendressa
E deth cèu estelat ?

Fermer