(Creacion deth grope)
Nau auserons que passan ‘ra montanha
Nau auserons beròi
Devath eth sorelh,
E tots amassa van de cap ara vita
Mès un que’n va de tira : qu’ei un lèd ausèth.
Ueit auserons que passan ‘ra montanha
Ueit auserons beròis
Devath eth sorelh,
Ena corada que s’apressan amassa
Mès un que’n va de tira : ausèth passatgèr
Sèt auserons que passan ‘ra montanha
Sèt auserons beròis
Devath eth sorelh,
Arràs deth gavi que vòlan tots amassa
Mès un que s’i nega : qu’ei un cap d’ausèth
Sheis auserons que passan ‘ra montanha
Sheis auserons beròis
Devath eth sorelh
Ena havora que clucan tots amassa
Mès un que s’i damora : un ausèth de bòsc.
Cinc auserons que passan ‘ra montanha
Cinc auserons beròis
Devath eth sorelh
Sus era vila que cridan tots amassa
Mès un que devara : qu’ei un praube ausèth.
Tres auserons que passan ‘ra montanha
Tres auserons beròis
Devath eth sorelh
De cap ath ser que se’n van tots amassa
Mès un que’n va enlà : un ausèth de neit.
Dus auserons que passan ‘ra montanha
Dus auserons beròis
Devath eth sorelh
Tu qu’ès atheu com ausèth sus’ra branca
Adiu a tu lavetz e tira bon camin.
Un auseròt que passa’ra montanha
Un auseròt tot sol
Devath eth sorelh
James non serèi ausèth de cujòla
Era tèrra perduda tot sol la trobarèi.