Passejada en bicicleta

(E. Duplan)

Arrepic :
Que’ns em passejats per tot eth país
En bicicleta, peths petits camins
Qui non hèn que pojar e devarar,
Mès totun quin plaser de pedalar ;
Que’ns em passejats per tot eth país
En bicicleta, peths camins,
De vilatges en bordalats,
De serras en costalats,
Dera Ribèra-Baisha ara vath de Campan,
Deth país Tòi ath Astarac, dera Varossa ath Manhoac
E deras Baronias entiòth Madiran.

Qu’em partits de Baniòs a Tusaguèth,
Per Pomarós e Sarniguet,
Qu’avem vist eths losèrs de Labassèra
E saludat eth gahús de Vathsèra,
Qu’avem vist eths couscoulhèrs de Bulan,
Eths leganhós de Luganhan,
Cantat dab eths berretèrs d’Aurelhan
E pintat dab eths ahirons de Beudian.

Qu’em partits d’Aranhoet a Barbadan,
Per Brauvaca e Escalar,
Qu’avem vist eths esclopèrs d’Esparròs
E saludat eths cucons de Sindòu.
Qu’avem vist eths plantagulhas d’Ibòs,
Eths burraires de Galhagòs,
Cantat dab arrabassèrs de Benac
E pintat dab eths micotèrs de Posac.

Fermer