Paysa, quan laoures én tractur,
Aulhé quan puyes eth troupet,
Oubeie qui hurgues u moutur
E tu reyen, touts qu’at sabet,
Ue pensade entaù païs,
U cop per an, touts que’ns’amasse
Lhèu que n’I a prou ta pas mouri’s
Sé maynats séguéchen’ ra trace
Répic :
Anem, anem, qu’i bam ana,
‘Ra Hesteyade que’ns démourè.
Aù prat d’Ibos, qué bam canta
Cante qui arris, cante qui ploure.
Qué cantéram nouste païs
Ue brespade au mes d’abriù.
Marie qué tourne e Yan partech
Aù boch u cassou qu’ei cayut
Ue briulete qué flourech
Detras’ra sègue à l’escounut.
U ca qué gnaule per dehore
‘Ra balaguère qu’a bouhat
Aù païs blu dera Bigorre
‘Ras mountagnes n’an pas cambiat.
Canta eth clouchè deth bilatje
Plane, costes, berde mountagne
En nouste lengue e à tout atje
Qu’ey dé ségu, sénse la plagné,
Boulé que bibe era Bigorre,
Era de oué é dé toustem
De capsus-haut dinqu’à lahore
Quan hè sourelh, quan cour eth bén.