Canta

J.Lacoste et Baïlina

Quan lo primtemps s’esvelha
Quan verdejan los prats,
Quan los ausèths paradan,
Quan floreishen las vaths
La natura encantada
Perhuma los sendèrs
E los còrs renavits
Cantan au sorelh.

Arrépic :
Canta irongleta
E canta l’aigueta
Canta poqueta
Mainats a l’escòla
E òmis au tribal
Cantatz jòias e penas
Cantatz e hestejatz.

Quan la nueit estelada
Esclareish los camins,
Quan los bròcs e las ségas
Balhan los fruts d’estiu,
La sofrença e los dòus,
Los regrets esvanits
E esmavuts los còrs
Cantan sovenirs.

Quan eth abòr apèra
Eths tropèths a capvath,
Quan eth so encalina
Eths arbes escarlats,
Quan eth vent e’ra ploja
Deras huelhas s’arrin
E attristats eths còrs
Cantan arrépics.

Quan eth ivèrn apièla
Era nèu sus eths camins,
Quan era lutz argenteja
Eths teits e eths sapins,
Ena patz e calor
Près deth huec reunits
E atrendrits eths còrs
Cantan sovenirs.

Drom irongleta,
Adrom-te aigueta,
Drom ma poqueta,
Mainats ena breça,
E òmis a costat,
Cantatz jòias, penas,
Cantatz e puish aimatz.

Fermer