Prince d'Aurenja



Beròi Prince d’Aurenja, maitin se’n vòu anar,
Demande a son vailet : Lo chibau ve serar.

Maudit’sia la guèrra, lo chibau ve serar (Bis)

Beròi Prince d’Aurenja, tà on voletz anar ?
Que voi anar tà França, lo rei m’i vòu mandar.
Esverit que partí, e nhafrat se’n tornè,
De très bèths còps d’espada qu’un anglès lo balhè.

En maishant a l’espatla e la man lo copè
E lo tresau mes lèd lo ventre lo trauquè.
Esverit que partí, se’n tornè tot nhafrat,
Que l’èi vist sus la tèrra, suu camp tot ajaçat.

Beròi Prince d’Aurenja qu’ei mort e enterrat,
L’èi vist portat en tèrra per quate bèths soldats.

Fermer