Deus mes charnants endrets deu mòn


(P. Gaston Sacaze)

Deus mes charmants endrets deu món
Son los uelhs deu gave Osom,
Pròchas d’aquiu son las tèrras
D’Arbiòst, Arrens e Marçós.
En aqueth endret las bergèras
Que’n lòtjan dab los pastors.

En aqueth endret tan charmant,
Pendent los cinc mes de l’an,
Que’n pacatjan las aulhetas
E los trendes anherons.
Pastors en temps d’amorosetas,
Be’n seratz tostemps urós !

Quan rotlavi en aqueths quartièrs
Ua bergèra que i avè.
Quan lo cèu l’avè formada
Longtemps s’i èra preparat :
La n’avè proporcionada
Per sa talha e sa beutat.

Tot d’ua votz de mon clarin
Que volè enténer ser e maitin.
Lavetz sa votz e’s mesclava
Diu dab tan d’agradament,
Que tots los rochèrs de l’aiga
Semblavan en esmavament.

Fermer