Sus los camins de la montanha

(Los Lurons deu Baish-Ador)

Sus los camins de la montanha que s’i pòt encontrar
Bèra marmòta o bèth isard qui s’i hè lo disnar.
B’ei bon de poder escotar lo cant de la cascada
Qui devara tà la valea tot jogar per los bòscs.

Que vòs natura e evasion, ara qu’i pòdes anar
Çò de mes bèth vas encontrar
Ací en Pireneas.

Que disen mèma que i auré, mès que s’at cau trobar,
Un arrefugi esconut, hadas i venguen cantar.
Quan la neu blanca de l’ivèrn capera tots los malhs
Qu’ei com ua bèra aquarèla pintrada peus aulhèrs.

Que i a tantes beròis sendèrs on pòdes passejar
E tantes lacs dab aiga clara, glacèrs coma miralhs.
E per l’estiu sus las colinas que’t pòdes regalar
Dab avajons beròis maduts, mès que’us te cau ganhar.

Mès totun que t’avisaràs de non pas partir sol
Tà descobrir las Pireneas e los sués beròis monts.

Fermer