A la guèrra qui va qui i va non torna gaire
O los dus filhets del rei a la guèrra son anatz
Joan es jamei mes tornat e Joan-Francès pas encòra
Sa maire lo ví venir per un prat qui verejava
Qué me pòrtas mon filhòt qué pòrtas de las batalhas
Qué me pòrtas mon flhòt de hèr totas las batalhas.
Entre jo e mon caval n’èi portat vint e nau crabas
Mon caval pòrta las nau jo qu’avè totas las autas
Ma maire fetz-me lo lhèit non demorarèi pas gaire
Serèi mort a mieja neit mon caval a punta d’auba
M’enterraretz al sagrat mon caval a la passada
M’enramelaretz de flors mon caval de totas armas.
Passeran los passejans diràn quina bèla tomba
La tomba del filh del rei qu’a ganhat forças batalhas
La tomba del filh del rei qui n’es mort a las batalhas
Las campanas de Madrid sonaran a punta d’auba
Sonaran per mon baron qu’a ganhat forças batalhas
Sonaran per mon baron que n’es mort a las batalhas.