Daniel Casteyde
Amics ça-vietz audir
Lo cant deras Losèras
Deth noste beròi paìs
La vath de Vathsurguèra
Gare à la mine, Huec ! Boum !
L’amiada qu’ei cajuda
Ath mei de bèth humèr
Dab pinças e mertèths
Quan hèits beròis labàs
Cargats sus vagonets
Devath eras mosquèras
Dab un aprimader
Comuna que hasèn.
Un car que calè hèr
Ta ganhar la jornada
Qu’eth ser que devaravan
A huec peths cascalhèrs
De l’auba entara neit
Tot die tribalhavan
Lo die deths losèrs, mès
Non n’i a pas mes losèrs.
A l’escur se’n tornavan
Negres coma carboèrs
D’un pas lord e pesant
Per un beròi sendèr
Amassant drin de lenha
Ta hèr cauhar la sopa
Béver un còp ara bota
Puish se’n anavan en lheit.
Lo dimentge a gran’missa
Que’s calè preparar
La camisa plan lissa
Estar beròi rasats
Au bèth som deu solèr
Lavetz que s’atraçavan
E athieu que cantavan
Dab « Mossur » lo curè, mès
Non n’i a pas mes losèrs.
Eth die dera hèsta
En petit ostalet
Quauquas tassas de vin
Se’n hicavan a cantar
Cantavan la misèra
Aquera puta de guèrra
Qui hè morir los joens
Qui hè crebar la tèrra.
Quan boha lo vent d’abòr
Qui hè volar las huelhas
Enteni quauques còps
Darrèr los cascalhèrs
La cançon d’aqueths òmis
Qu’èran de Vethsurguère
La cançon deu paìs
Lo cant deras Losèras
Gare à la mine, Huec ! Boum !
La mina non peta mes
Que son morts eths Losèrs.