Sent Vincenç

(X. Navarròt, J.-M. Lempegnat)

Volha recéber mon aumatge
Patron cremat deu borg de Luc.
Au nom de tot noste vilatge,
Jo te pòrti lo purmèr truc.
Si l’aut còp Simeon Stilita
Sus la colona se plagó,
De la haut tor deu Barnabita
Ça vi contemplar noste amor.

De pòrta en pòrta la carboada
Que huma dab lo saussisson ;
Cadun, ta hestar la jornada,
Que destarlaca son flacon.
No't faches pas si tas aurelhas
Audeishen mei lo carilhon
Deu "din, din, din" de las botelhas
Que deu "din, dou" deu soador.

L'arrenilhet de l'allegressa,
Mesclat au son deu tamborin,
Qu'apèra l'ardenta joenessa
Qui dejà brusla de partir...
Quan vejas la ronda leugèra,
Digas au noste caperan
Que'n segotint nosta misèra
Jamei no't poirem aufensar.

Perdon, perdon si ma museta
De tu n'ei digne, gran Vincenç !
N'ei pas la votz rossinholeta
D'aqueth coquin de Desporrens.
Per ma fauta, ma grana fauta,
Qu’em soi d'aulhors drin enrumat !
Si ma flaüta èra mei hauta
Drin mielhor que t'auri cantat !


Fermer