(D. Aguillon)
Arrepic :
Quan torna lo primtemps
Per las nostas vaths
Que pareishen encòra
Las montanhas pleas de nèu.
Qu’ei tant doç aqueth aire
Qui vien deus costalats,
Amics, cantem, cantem,
Lo primtemps qu’ei aquiu.
Ò Bigòrra, tu, noste beròi país,
Que’n sonejam sovent
Quan em partits luenh d’ací.
Aquesta tèrra tant bèra
On vivem entr’amics
Que’ns manca au segur
Quan nse trobam alhurs.
Mès nosautas qui uei cantam ací,
Lo primtemps que l’avem
Per tostemps dens lo còr,
Que siam de Banheras, Castèthvielh
Soas, Tarba o Ibòs,
Si podem hestejar
Lo primtemps tornerà.
Puishque se’n cau acabar aquesta canta,
Amics que’vs saludam
Mès escotatz plan açò :
Si per cas quauques dias
Avetz lo còr mau virat
Gahatz-ve a cantar
E lo primtemps tornerà.