(Mesplès)
Dus pastors a l'ombreta
Que hasèn un boquet ;
L'un cuelhè la vriuleta
E l'aute lo muguet.
Jo qu'aimi l'immortèla
Mes que las autas flors ;
Com ei tostemps fidèla,
Atau son mas amors.
Un boquet de vriuletas
Que me'n avès enviat.
Diu ! D'aqueras manetas
Tan plan l'avèn troçat
Dab cordonet de seda
E dab l'espingla d'òr,
Diu ! D'aqueras manetas,
Que valen un tresòr !
Jo que t'at dic, princessa,
Un còp e non pas mes,
Que la mia tendressa
Non finirà jamès.
Hè'n drin l'experiença,
Non demandi qu'aquò :
En jo point d'aparença,
Mès qu'at èi tot au còr.