Traditionau, adaptacion R.B.)
Au som deu bòsc que i a ua bruna !
D'ací tà Pau que non n'i a ua !
Qu'ei amorosa d'un aulhèr
Que’s mouriré si non l'avè !
De bon matin, se’n ei lhevada,
Tota pè-nuda, descauçada,
Se’n ei anada tau vergèr
T'anar véder a passar l'aulhèr !
Hòu Janinon, si’m volès créder,
Que deisharés de l'anar véder ;
Que deisharés aqueth aulhèr,
Que’n sabi nhaute qui’t volè !
Au devarar de la montanha,
E au retorn tà la campanha,
Que’t darèi lan tau cotilhon
Que fenirà de har l'amor !
Tà Nosta Dama de Seteme,
A Betharram que’s torneram véder !
Que cromberam un anèth d'argent
Que’ns renderà lo còr content !