X.Navarrot
Çò qui’m desliga la paraula
Qu’ei lo darrèr tron deu boçon
Lo men reiaume qu’ei la taula
Lo vin qu’apèra la cançon
Sustot quan ei de Jurançon
Repic :
Cadun va son trin, son refrin
Qu’ei lo mei bèth clarin.
Qu’ei la bistanfluta
Fluta,fluta,fluta
Bèth còp de flahuta
Truca tamborin
Lo Paisherenc tà la godala
Lo picapoth entath cujon.
La civada tà la cabala
Tà la beròia lo poton
Sustot quan a lo mau d’amor.
Quan s’i hè choès que cau rebàter
E béver un còp despuish cantat.
Hroment segat lèu que’u cau bàter
E har l’amor quan plan s’escad
Tot còp qui n’avem lo parat.
Las gojatas a la dança
A mens d’aver lo còr de hac.
Tà miélher seguir la cadança
Devath lo mochoèr au sobac
Qu’an l’arratet qui’us hè tic tac
Si los cornards avèn esquiras
Que miarén tarrible trin.
Per segur que’n poirem arríder
E que’s morirén de chagrin
Be seré donc ua trista fin.