Montanhas d’Aussau

(P. Lafenêtre)

Arrepic :
Montanhas, montanhas d’Aussau,
Qu’avetz guardat mas amors com cau ;
Montanhas, montanhas d’argent,
Que m’avetz virat lo maishant vent ;
Montanhas, montanhas deu cèu,
Qu’amantatz mas amors hens la nèu ;
Au bèth som d’on l’agla vola haut
On lo sarri hè pitnets e sauts,
Com de las immortèlas las flors
Las montanhas guardan mas amors.

Autes còps que corrí los sendèrs,
Per baricombas e per terrèrs,
Pè-descaus tà non pas lo har paur
Que guaitavi lo gat-esquiròu.
Lo sanglar susprés en s’escapar
L’auseralha que hasè carar,
Mès lo cocut urós
Que cantava de pos
Que tots los nids qu’èran çò de son.
L’arreclam que hasè
Audir a qui volè
L’arrepic de la soa cançon.

Un primtemps hens lo gave d’Aussau
A pescar passavi lo maitiau,
Tot d’un còp qu’es vienguda au bèth près,
Que m’espiavas com se’m coneguès.
Qu’èi lo còr qui se m’ei estangat
Esmavut per la toa beutat,
Arren non saboi har
Que sonque demandar
A las montanhas çò qui èra açò ;
Que’m digón que l’amor
T’avè enviada a jo,
E dempuish non hèm mei qu’un sol còr.

Fermer