La Perneta se lèva
Tralalà, laderidelà, la la.
La Perneta se lèva
Très oras d'abans jorn
Davala a la cosina
Faire de milhassons.
Cada torn que ne vira
Ne sospira d'amor.
Sa maire la ven vèser
Perneta qu'avetz vos ?
Avètz lo mal de tèsta
O ben lo mal d'amor ?
N'ai pas lo mal de tèsta
Benlèu lo mal d'amor.
Plorès pas mai Perneta
Que te maridarem.
Te donarem un òme
De bona condicion.
Ne vòli pas d'un prince
Ni lo filh d'un baron.
Vòli mon amic Pèire
Que cropis en prison.
Non l'auras pas ton Pèire
Deman lo penjarem.
Se fas aquò ma maire
Amb el m'enterraretz.
Al mitan de la tèrra
Plantaretz una crotz.
Butaretz una rosa
E mai de quauques flors.
Los pelegrins que passan
Se metràn a genolh.
Diràn que Dieu benaure
Los paures amoroses.