Nadau
Sorelh deu premèr dia,
E deu darrèr moment,
Maria de tot dia,
Maria de tostemps,
Deu som de la montanha,
Maria deu camin,
Tau cap de la mar grana,
Maria deu marin.
Que vos saludi, Maria,
Tant per gai com per dolor,
Dessús nosauts cada dia,
Pausatz los uelhs de l'amor.
Dens lo miralh que danças,
Taus qui se son perguts,
Dens la desesperença,
Aquera prauba lutz,
Aquera cinta blua,
Com un troçòt de cèu,
Aqueth arrair de lua,
Au capulet de nèu.
Maria qui bailina,
Tots los deconsolats,
Maria medecina,
Maria sonque patz,
La nosta dama blanca,
Maria de qui cau,
Maria qui enfanta,
Maria de Nadau.