(tradicionau deu País de Foish)
Los caulets quand son torradis
Totis se deishan anar ;
Atal fan las joenas filhas
Quand passan de maridar.
Dus ausèths sus una espiga
Non se’n pòden sustenir ;
Dus gojats amb una filha
Non se poden divertir.
Fan las boishas mala cara
De quand pèrden las rasics ;
Atal fan las joenas femnas
De quand pèrden los marits.
Mira-la quand va a la messa
Mira-la tà caminar ;
E se ara non t’agrada
Jamès non t’agradara.
Achi-bach, a las Bantinis
N’i a un pè de romarin ;
Qui floreish e mes que grana
Qui floreish cada matin.
E’l dia que jo’m maridi
Non farà fret ni calor ;
Poiram dire : « Nom d’un diable !
Qu’ei atrapat la sason ».