(Eras Jumpadetas)
A travèrs bòscs
Planhas e lanas
Coma l'angèla
Tu que te’n vas
Ací que viras
Ací que pojas
Puish que devaras
T'atrapi pas.
Quan tiras dret
Jo que’t segueishi
Me deishi amiar
Atau tot que va.
Mès on se’n va doman ?
Camin... Seguir...Tostemps... Anem !
Coma l'arriu
Segueish son hiu
Tu que’t passejas
Jamés non t'avejas
Me balhas eth pas
M'ensenhas 'ra dança
Se cau sautar
O s'arrevirar
Tanben que’m deishas
Era libertat
De m'estangar
O d'avançar
Que traucam sègas
Ròcas e ierbas
Diluns còr de boès
Dimarç còr de peira
Dimerç còr de lambre
Sus tu que trebuqui
M'esliti, m'arrapi
Que sudi, que sagni
Dijaus còr de huec
Divés còr shopit
Dissabte negror
Dimenge claror...deth amor.