Arrepic :
Salut, ò tèrra bigordana !
Tèrra nosta, que t’aimam tots.
Aussun, flòc dera lana,
Que’t cantaram a plena votz.
Aussun, Aussun, que’t cantaram,
Flor dera lana.
Quan eth sorelh punteja en cèu
Qu’as era permèra arrajada,
Eths auserons tot autanlèu
Que vien balhar-te er’aubada.
País beròi, que t’avem gòi,
Que t’avem gòi, país beròi !
Ò tu qui vejós a florir
Eths ans dera nosta joenessa,
Qu’as sabut tostemps nos neurir,
Que gardaràs nosta vielhessa.
País beròi, que t’avem gòi,
Que t’avem gòi, país beròi !