Sona las campanas

(Los de Nadau)

Entau país d’abaish e entà la montanha
E son vestit de nòvia a la permèra nèu
E lo vent de l’abòr qui escoba la plana
La doçor de la tèrra, la colèra deu cèu

Repic :
Sona las campanas Marie-Loís
Sona mon esper, i a monde sus la plaça
Sona, lo qui aima son país
S’a ganhat lo dret de l’espiar de faça.

Anueit lo Batiston que se’n torna tà casa
Enqüèra un de passat que n’a lo còr content
Tau brut deths sués esclòps suu camin de la vita
Que se’n va a plaser, per’mor d’aver lo temps

N’ei pas qu’ua cançon, n’ei pas qu’ua musica
N’i a pro tà caminar, tà caminar tot dret
Entaus qui’s son lhevats, en audir la flahuta
Qui dançan en espiar a mes luenh que los pès

Mon país que l’aví au còr com ua floreta
Mès adara que l’èi tanben au hons deu cap
Que saberèi tostemps on son mas amoretas
N’em pas enqüèra morts, que vam semiar lo blat.

Fermer