(C.Despourrins )
Vòs tocar, pastoreta
Las aulhas t’aci’nçà ?
Non se te’n vòn botjar
D’esta cometa
De tot lo dia d’uei
Non hèn arren.
Non hèn certas pas guaire
Si’n aqueste moment
De cap aceth penent
Corren com l’aire
Non las pòdi virar
Jamei tà’nçà !
Digas-me pastoreta
Perqué m’as desleishat?
Despuish l’estiu passat
Doça bruneta
Non as podut güardar
Dab jo (lo) bestiar
Aquò son los de casa
Qui’m privan de vié’ací
Sos pena de’m herir
Me n’an miaçada
De’n har sòrta d’amors
Sustot dab vos.
D’aquera gent maudita
Qui’t priva de vié’ací !
Au claus de Sent Savin
Vau dar ma vita
Pensant a mas amors
Honent en plors
Quan passiei dab l’aulhada
Capsus d’aqueth tuquet
Haratz dab lo berret
Bèra colada
Diratz beth airolet
Deus qui sabetz.