Los Tilholèrs

Pèir de Lescà

Avetz-vos vist los tilholèrs
Quin son braves, hardits, leugèrs?
Que hèn la promenada
Capsùs de Peirehorada
En tirant l'aviron
Tot dret tà la maison.

Vienetz, Daunetas, si vos platz,
Aci qu'èm d'aunestes gojats.
Non cranhetz pas la galèrna,
Ni lo vin de la citèrna,
Dab nos qu'am Pojalèr,
Lo brave tilholèr.

Per promena's lo temps qu'ei bèth
Embarcatz en noste vaishèth!
La vòsta governanta
Qu'ei beròja e charmanta :
Per estar de París,
Que sembla deu païs.

En arribant au Pont Major,
Quartièr de Baiona la flor,
Deu haut de la tilhòla
Qu'an hèit la cabriòla;
Deu haut de Panecaut,
Qu'an hèit lo subersaut.

Puish en reprenent l'aviron,
Que s'en van dret tà Sent Leon
Ensenhar la joenessa
A banhà's dab hardiessa,
Per apréner com cau
A har lo subersaut.

Fermer