L'amor

(C. Despourrins)
L’amor qu’ei un petit menit
Enemic de tota contrenta
Quan hè tant de’s mórder eth dit
Que possa a bot tota constença
Non i a garda, non i a preson
Qu’eth non force dab violença
Hètz eths murs de tan gran hautor
Per dessús tot vòla l’amor.

L’amor qu’ei un bon messatgèr
Que cor tostemps dab diligéncia
Que pòrta alas deu cap dinc aus pès
Tostemps qu’ei dens l’impaciença
Jamei i avó tau postilhon
Animat de la recompensa
Que hàcia torrada o calor
Per dessùs tot vòla l’amor.

Òmi n’a jamei desligat
Eths nods qu’aqueth mainadet sarra
Jamei haure qui n’aja hoargat
De taus hèrs quan eth se desbarra
Arren n’esvarja son ardor
Quan lo tracarén dab ua barra
Mes esberit que nat faucon
Per dessùs tot vòla l’amor.

Quan eth maitnage arbalestèr
En clinhant pòrta sa hissada
Non i a hornèra ni brasèr
Qui aja tan grana eslamada
Non i a ni crenta ni rigor
Que non sia lèu surmontada
Feble secors qu’ei la rason
Per dessùs tot vòla l’amor

Fermer