Lo Picapoth de Bigòrra

Repic :
Salut, colinas de bigòrra
On possa lo rasim vermelh.
Amics, que canteram encòra
Lo picapoth, hilh deu sorelh !
Salut, ò tèrra fortunada
Que Diu vestí de pampres d’òr,
D’on sòrt la liquor perfumada,
Lo bon vin blanc, noste tresòr !
Salut, colinas de Bigòrra,
On possa lo rasim vermelh,
Amics, que canteram encòra
Lo picapoth, hilh deu sorelh !

Ò vin de las nostas còstas,
Mes perfumat que la navèra flor,
Pòples deu nòrd las vòstas
Non vos dan pas la divina liquor.
País deu cèu favorisat
Jamei non i entra la tristessa.
Santat, bonur, prosperitat,
Tot qu’i respira la joenessa.

Pòples de Gasconha,
Siam tostemps fièrs deu noste Picapoth.
L’Ador e la Garona
Pòrtan ton nom tant renomat pertot.
Nectar preciós hilh deu sorelh,
Shens tu l’esprit non pòt produíser,
Amics, cantem lo vin vermelh
Qui hè dançar, cantar e ríser,
Amics, cantem…

Fermer