Lo Guilhèm qu’ei sus la plaça,
Qu’ei plantat com un piquet.
Tots que l’apèran pegàs
Son espiar hugís tot dret.
Qu’ei lo hòu de mon vilatge
Lo Guilhèm que dança plan
Apartatz-vos deu passatge
Lo Guilhèm que va dançar.
Que’n vas com ua randoleta
Qui descobreish lo primtemps,
Boca ubèrta en har l’aleta
Com tà t’engolir lo temps.
Pòrtas tot l’espèr deu monde
Dins tos uelhs de soledat,
Amor b’aurés en abonda
Mès qu’as tròp pesuc lo cap.
Entà l’escur qui’s desvelha
La tua man que va plorar,
Tà l’estela qui punteja
La tua man que va pregar.
Ausís la cançon doça e bèra,
Ausís que sona l’angelus,
Que sona per tà misèria
En cercar tròç de cèu blu.
Tu qui passas peu vilatge
Deu Guilhem ne’t trufis pas
Hè’t enlà, seguís ton viatge
Canta sol, per tu sap pas.