(Nadau)
Catí qu’ei, shens mentir,
Beròia com lo maitin.
Arrepic :
Caterineta se’n va lo temps,
Se’n va lo temps, se’n va lo temps,
Caterineta se’n va lo temps,
Jo que t’aimi per tostemps.
Los sons uelhs son tant doç,
N’an james ni dòu ni plors.
Per darrèr, per davant,
Non sèi quant a de galants.
Avocat, charpentièr
E lo hilh deu rei parièr.
Que m’a causit a jo,
Praube, praube, Peiroton.
Praube com un arrat,
Las estelas dens lo cap.
De tot petit enlà
Jo que l’aimavi dejà.
De ploja o de sorelh
Jo que l’aimi tau com ei.
De Sant Pèir a Sant Joan
Jo que l’aimi tot er’an.