Regime

(F Loustalet, JN Barraqué-Curié)

Miam miam miam miam miam ,
Miam miam , miam miam
Jo ne compreni pas perqué
Ne minjarí pas mei arren.
Fenit la sopa ! Bolhon claret
On se nega un praube poret,
Sonque peish borit dab leituga
Dab ua biscòta eishuga,
E tà fenir, tà acabar,
Hromatge magre shens tròç de pan !

Repic :
Uei, tà ‘star lo de qui cau
Cau estar magre com un clau ;
Lo bonur que s’escon adara
Hens ua taça de tisana !

N’aver que la pèth sus los òs
Que’m demanda drin tròp d’esfòrç !
Non sèi pas arren de mei bon
Com ueu padenat dab jambon ;
E parlem drin de la garbura,
Deu borit, d’un beth tròç de hura,
De las mongetas e de l’anhèth,
Shens desbrombar lo regalet !

Cueisha de guit dab sengles fritas,
Trip e tripon dab quauquas micas,
Bròja taben e gresilhons.
Drin de vin tà cauhar los nolhs !
Ua padèna de castanhas
Un hromatge de las montanhas,
Pan deu fresc, còca, cocon !
Ne sèi pas arren de mei bon !

Ni fin, ni magre com un clau
Non serèi pas lo de qui cau ;
Mès bèth e fièr com un aucat,
Que voi fenir arregolat !

Fermer