Era pujada

Quan eth primtemps torna a casa
Quan ei eth prat tot plen de flors
Dab eth sorelh hèit entà plàser
Eth asolet cargat d’arròs

Valents oelhèrs dera montanha
Se’n cau anar dab eth tropèth
Dab l’asolet e dab’ra canha
Au ras deths pics ath blanc capèth

Eths peisheders dera ribèra
Per bons devers se n’an a privar
Que peisheran ierba navèra
Sus eth penent la van trobar

Tanlèu que torna’ra pujada,
Que cau partir t’acieu delà
Dab eras oelhas esqueradas
Solet ath cap deth cujalar.

Dab eth trubèrs e dab ‘ra sanja
Cau tirar lèit matin e ser
Un tròç de pan dab drin de trancha
Qu’ei tath oelhèr un gran plaser

r

Fermer