(Nadau)
N'ac credes pas, Joan Pèire, t'a pas dit que non,
Lhèu l'acordeon qu' i ei estat tà hèra,
N'as pas qu'ua chança, que la cau gahar,
N'as pas qu'ua dança, que la cau dançar.
Repic :
Vira, segur que t'aima, vira,
Qu'ei la valsa qui vira, qui vira lo cap,
Vira, segur que t'aima, vira,
Qu'a lo còr, qu'a lo còr capvirat.
La soa rauba blanca, que trauca la nueit,
Los uelhs sus los uelhs, l'amor que s'estanca,
Moment de promessas, moment de saunei,
Era qu'ei princessa e tu hilh deu rei.
Dehens la horrèra, qu'ètz los dus solets,
Los pès drin leugèrs, ne tocan pas tèrra,
Lhèva drin la cara, espia a capsùs,
Non vedes adara pas mei qu'ua lutz.
Doceja, Joan Pèire, que't pesa aus braçs,
Qu'ètz drin fatigats, cau tornar sus tèrra,
Perqué donc adara, qu’as ubèrt la man,
Qu'ei éra qui sarra e que te vòu miar...