Quan vagem Bigordans

(F. Aussibal, J.P. Moreau)


Lo paisan metsican
Drom devath un sombrerò,
Los bèths aires deu Tiròl
Que shisclan devath chapèus,
Qu’ei noste tà arcuélher,

Arrepic :
Nosautis qu’èm d’Occitania
Vajuts en un petit paradís,
Per’mor que papàs e mamàs
Qu’èran bigordans.

‘Morning’, geta l’Inglés
Lo matin au dejunar,
Los Esquimaus tà saludar
Que’s heregan lo cap deu nas,
Qu’ei noste per lo contact,
Adishatz.

L’aigardent d’erabla
Que rescauha lo Canadian,
Per conéisher l’Escossés
Lo whisky qu’ei un succès,
Qu’ei noste per trincada,
Picapoth.

Los Vascos s’esclacan
En sautar lo fandangò,
Catalans en balhar’se mans
Hèn sardana uelhs clucats,
Qu’ei noste dinc au saunei,
Lo rondèu.

Fermer