Sonatz, sonatz bèras trompetas
De loenh que s'entenga lo son
Cantatz de vòstas votz claretas
Anatz portar nosta cançon
Cançon d'Aussau, país de montanha
De l'on s'i dança dab amor
Quan lo tamborin v'acompanha
Deu Portalet dinc au Benon.
De nueit quan la lua clareja
Los uelhs au ceu que’m va d'espiar
Au som deu mont que s'i fresqueja
Mès quin plaser d'i saunejar.
E quan l'estiu dessús la prada
Quan lo sorelh vien desvelhar
Tota la flor e la cotrada
S'enten l'esquera au cujalar
Adiu Aussau, país de montanha
Qu'ei dab regrès que’t vòi quitar,
No’m cau pas partir tà la plana
De cap au cèu que’m cau pujar.