(Nadau)
Lenga, lenga, lenga d’òc,
Lenga, lenga mia.
Díser tant de mots d’amor,
Qu’as perdut hèra de guèrras,
Díser tant de mots d’amor,
Qu’as perdut d’aver rason.
Que n’as tant e tant de mau
A tirar tant de vergonha,
Que n’as tant e tant de mau
A tien’enqüèra la clau.
Pertot au monde,
Cadun son conde,
Cadun tà tots e Diu tà cadun.
Cada lengatge
Qu’ei un vilatge,
Cada vilatge sa part de Lutz.
Non coneishes la grisor
D’ua trista academia,
Non coneishes la grisor,
Qu’ès de totas las colors.
E tostemps com un anhèth
Qu’as aimat la Republica,
E tostemps com un anhèth,
Après lo còp de cotèth.