Deus mes charmants endrets deu mònde

D’aqueths charmants endrets deu monde
Que son los uèlhs deu gave Auzon
Pròchas d’aquiu son las tèrras
D’Arbiòst, Arrens e Marçós
En aqueth endret las bergèras
Que’n lòtjan dab los pastors.

En aqueth endret tan charmant
Pendent los cinc mes de l’an
Que i pacatjan las aulhetas
E los tendres anherons
Pastors en temps d’amorosetas
Que’n seràtz tostemps urós.

Quan rotlavi en aqueth quartièr
Ua bergèra qui j’avè
Quan lo cèu l’avè formada
Longtemps s’i èra preparat
La n’avè proporcionada
Per sa talha e sa beutat.

Tot dia de mon clairon
Que volè endéner lo son
La sia votz èra mesclada
Diu, dab tan d’agradament
Que tots los rochèrs semblavan
Estar en esmavement

Fermer