(J.Louis Vidalon)
La Nésta hè un beròi viatge
Deth Plan tà çà Eget
Que camin 'n mié vilatge
De Fabian, d'Aranhoet,
E sovent lo vent d'autan
S'empòrta eths miés soneis
Mès que'm deisha çò qui cau
Amor, bonur e solelhs.
Arrepic 1 :
Aranhoet
País de montanha
Vesin de l'Espanha
Que t'aimi tant.
Quan eri « shòc » qu'èi vist a passar
Espanhòls per los portilhons,
De Pòrt Vielh e de Bielsa
Tà deishar darrèr « el caudillo »
Alavetz de cada costat
Qu'avem traucat la montanha
Qu'ei tamo no pugnat de ma
Dab eths cousis d'Espagne.
Arrepic 2 :
Aragonés
Frair deth país d'Espanha
Vesin de la montanha
Ola, que tal !
L'ivèrn s'adrom sus eth Campvieilh
La lit plor' dab eth primtemps
Mila estelas, mila solelhs
Qu'arriberàn doçament
Que van pujar tots eths tropèths
L'estiu se n'ei tornat
Deisha ua pèça ena paret
Ena gleisa de Meiavath.
Lo temps tròp viste que se'n va
Com' l'aiga en mei de la man
Pren eth temps de sonejar
De cantar, de passejar
Se passas a la darrèra peira
De Joan de Martin
Deisha càger ua tabatièra
Dab un shunhau de gris...