(Patrice Carrère)
Un maudit prat qui pòrta lo mau
Triste arribèra tan bèra com mié casau
Lo vent deth primtemps boha sus las flors
Desvalha doçament los hantaumes en plors.
Que cresi véser au miei de la broma
Los òmes qui s'an trucat sur la lana
A còps d'espadas, a còps de granas piòlas
Que cresi audir, trista cançon de sourdats.
Un còp èra ua annada nera
On vosautes cadotz hens la bronitera
Un còp èra Lana Morina
Qui garda lo sovien de la batalha.
Tant de cabalhèrs e tant de guerrièrs
Espada en man, los uelhs en huec
Cap aqueth tropèth shens fe shens lei
Pagants pregant aute diu vengut de luenh.
Aquera mesclanha sus aqueth camp
L'erba devenguda roia de sang
L'un que da truc e l'aute qui's cuelh
E los òmes caden devath un bèth sorelh.
Un còp èra la grana batalha
Au pè de tant beròia montanha
Un còp èra Lana Morina
On flòta enqüèra l'aulor deth dòl
Que camina doçament
Trobador deth nau temps
Que cantam la gran istuèra
De la guèrra entre lo Rei e los Maures.