Las pòrtas deu sò

L’agla de huec a jà traucat,
Dens los permèrs esclats deu dia,
La grana murralha rogida
Deus soms plan fièrs de Gavarnia,
Ta hèr lúser dens lo sorelh
Los tons de son potralh vermelh.

Arrepic :
Deus dus costats de las Pireneas,
Qu’avem plaser de pensar
Qu’un mond’e l’auta après tant d’annadas
Regahan la libertat,
Nada frontèra, nada peleja,
Ne pòt deshuelhar l’amor
Peir’ escautadas, nèu tostemps blanca
Per la vita s’aimaran.

Lo lhèit sauvatge de l’arriu
S’escapa sus l’arròc ardent,
Deu Mont-Perdut amia l’aiga
De l’un a l’aute deus penents,
En arroder lo blu d’in.hèrn
E la nèu vielha de l’ivèrn.

Despuish las granas passerias,
Los pastors amian los tropèths,
Entà los trendes peisheders,
Sus los penents deu Bocharò,
On los tribalhadors de neit,
En filas, caminan shens brut.

Fermer