Pastors deras montanhas

Pastors, pastors deras montanhas
Cantem lou noste sòrt urós.
Florishen sus eras montanhas
Suspresa, eras bèras flors
Sus aqueras bèras verduras
On van péisher los nostes anhèths
Eth só ranima la natura
Que cau cantar quauques versets.

Era laudeta matinala
Ranima’th país de son chant
Tà desvelhar la pastorèla
Eth sué pastoret charmant.
Anatz díser a la messatgèra
Pastors, anatz tirà’ths motons
Era montanha que n’ei bèra
Era terra crobida de flors.

Anatz tropèths dens la montanha
Anatz donc péisher en libertat
A travèrs aqueras campanhas
Aqueths indrets tant admirats.
Au bèth país nosta ribèra
Bèras montanhas deth Sausset
D’ací, tau som dera Estivèra
Pertot que’n possa serpoulet.

Eras aulhetas son suspresas
Suspresas pera nèu, eth glaç
Que’n cau quità’th som deras penas
Ce disèn los d’Arrau Badàs.
Que’n cau partir tots en campanhas
En repetant los mèm’ acòrds
Pastors, pastors deras montanhas
Crenhatz era bruma d’abòr.

Fermer