(A. Arette-Lendresse, J.-C. Coudouy)
Lo rei de las Espanhas
Castilha e d’Aragon
N’ei james eth qui prengó
Libras, libras montanhas,
Vos qui etz per l’arriu-tòrt
De l’òmi libre lo pòrt, libre lo pòrt.
Corona de Navarra
Despuish la vath d’Aussau
Qu’ei tà jo lo bèth casau,
L’aguilla au cèu que barra
Atau lo men saunei
Urós que’m hè com un rei, tau com un rei.
L’esquera d’Arricada,
Qui tringla entà l’aunor,
Dinc ad era deu Benon,
Com èra non i a nada
Montanha qui’ns an dat
La canta de libertat, de libertat.
Bruna, blonda o bien rossa,
D’Aspa o de Varetons
Que sòi entà mas amors,
Gojata tota blossa
De l’aire montanhau
Lo men còr tan que la vòu, tan que la vòu.
Tà que hasquiem plantanhats
Com n’em de gabilats,
E dab los oelhs estinglats,
Qu’em hilhs de la montanha
La raça deu somiu
Non cambieram pas perdiu, jamès perdiu !!!