(E. Cibin-Cassagnet, C. Fiasco)
Que m'as seguida
E m'as pres la man
Qu'as vist l'ahida
En lo mié espiar.
Lo còr batanant
Que t'èi risolat
M'as sarrat la man,
M'as potonejat.
Arrepic :
Partim luenh d'ací
N'esperem pas mes
Partim au maitin
Non tornem pas jamès.
Que t'èi potonejat
Shens ac calcular
Que t'èi potonejat
Mut qu'ès demorat.
Que som partits ensem
Lo ser arribant
Que som partits ensem
Coma dus amants.
On nos amiarà
Lo jòc deu destin
E's nos n'arrirà ?
E'ns harà patir ?
Que nos amiarà
On volem anar.
N'i cau pas pensar
Que'ns cau aprofieitar.
Jo que't seguirèi
Quan seré holia
Jo que't hidarèi
De tota l'amna mia.
Hidança e passion
Que'ns gavidaran.
Deishem la rason
E que viveram.
Shens dobte, shens paur,
Descobrim lo món,
Desliurats deu pau,
De las convencions.
Los uelhs dens los uelhs,
La man dens la man,
Cap aus nostes sauneis,
Shens pensar a doman.