Salut riba cheria

Salut riba cheria
On eths mortèls urós
Cantan dab alegria
Flòra e’ths sués dons
Inspirat pera Musa
Exempt de tot socí
Eth joen pastor s’amusa
A jogar d’un clarin.

Quan va en promenada
Quan eth cèu d’ei seren
A ua neit estelada
Mon Diu quin gran plaser !
Era lua clarejanta
Aras franjas d’argent
Esclaira sorianta
Eth país plan sovent.

Salut bèra campanha,
Cascadas, bèths arrius,
Eths ausèths a voladas
Celebran eths estius
Dab un beròi ramatge
Sus eshlores de gavèts
Alègran eth boscatge
Raniman eth aspèct.

Salut bèras montanhas
Salut brilhants glacièrs
Salut aras ondadas
Qui gessen deths nevèrs
Ondadas qui s’estenen
Dab eths flòts escumós
Eth arribatge animan
De mila mila flors.

Salut bèras montanhas
País qui aimi tant,
Salut umblas cabanas
Que’vs consacri mon chant.
Tà tu chèra patria
Tostemps cantar un verset
Ara punta deth dia
M’amusa un airolet.

Fermer