C. Despourrins
Deths trèts d'ua bruneta
Mon còr s'ei alebat
Sons oelhs e sa boqueta
Tots mons sens an charmat ;
Sa gòrja clareianta
Qu'esgaia com lo so;
Sa talha trionfanta
Qu'em hà morir d'amor.
Despuich que io t'èi vista
Io'n sòi tot interdit.
En tu bèra Calixta
Son mon còr, mon esprit
En tue be son fixadas
Mas richesas, mons bens
En tu son acostadas
Mas jòias, mons plasers.
Ni las ròsas musquetas
Ni la flor deth brucho
N'a pas de tas popetas
L'esclat e la blancor.
Urosa la maneta
Qu'un dia aura l'aunor
De tirar l'esplingeta
Qui las ten en preson.