Vath d'Aspa

(P.P Bertzaiz)

Que sòi aquera ombra blanca e negra
Un bandolèr de l’arribèra
Sol e desapolingat
Amna esbarrida en la ciutat
Aqueras caras qui espian
L’aguila negra en lo Palais
Hòraviengut shens nat papèr
Que son de lops beròi vestits.

O mon país, O ma montanha
Saunejaire de tot çò qui as
Que cerqui tas honts briventas
Peus senders de nostes aulhèrs.

Un shisclet que trauca l’escur
Mès qui’u podera enténer
O shens lo jutjar compréner
Que s’i pòt morir de tròp demorar
Lavetz que seguirèi lo Gave
Ent’arribar dinc a la mar
S’entenetz doman la campana
Amics cantatz per’mor de jo.

Tà las maisons de pèiras grisas
Que lo vent baila tot doç
Taus vilatge deus vielhs pairans
En gran dòu devath los berrets
Deishatz-me volar de cap l’ahida
Capsús de Bòrça e de Sarrança
Dab mas aletas de papèr
Lo còr gaujόs a l’arrajòu.

Fermer