Hardits, hardits ! Qu'em eths picatalòs
Tribalhaires de tèrra
E si eth sèu no'ns pèsa sus eths òs
Qu'avem tots bona hèrra
Qu'em galhards e virils.
Era pica en còth e peish ena museta
Eth cujòu plen, eths esclòps ena saca
De bon maitin, de capsús ath sorelh
Leugèrs que'n vam e tostemps qu'em d'ataca
Non sabem pas çò qu'ei d'estar feniant.
Au Diu vivant !
Paur n'avem pas au devath deth sorelh
En plegant-se d'estar croishits dera rea
Eth cuer trempat, cueit per la calor
Qu'em coma hemèrs que human ena cort
Hardits! La hered que's passa en tribalhar
Au Diu vivant !
Nat non s'i pòt a nos enlòc fretar
Ni hà-i la lei ta hotjar o tath sarclatge
N'em pas dolhets, que'ns en podem vantar
Mès s'em eths reis deths camps e deths vilatges
La carn dab grèisha que'ns manca tròp sovent
Au Diu vivant !
Sopar e pastet tot dia e hèsta annau
Harts de mestura, guiverats de mongetas
Pomas de tèrra au canteron dab sau
Sopar en topin, eth lard ena caceròla
Entà tot l'an, enqüèra urós d'avé'n
Au Diu vivant !
Qu'a bèth trimar sens aver vacanças
Picatalòs james ne s'enricherà
Eth òs deth còth, talhat com un arraser
D'unta-u dab suenh que nos defen d'estar chiche
Qu'avem un feble entau shuc de sherment
Au Diu vivant !
Praubes que n'em mès tanben sens faiçon
Com eth milhòc, que plantam eths mainats
Entau país, e la nosta sudor
Que hè germiar tau profit deths menatges
Suu tath la mustra e suu camp eth hroment
Au Diu vivant !