Lo presonièr

Tantòst tantòst vendrà la prima
E mai lo polit mes de mai
Lo mes de mai floris e grana
Cada boton reprén sa flor.

Lo joves galants la culhisson
Per la portar a lor amor
Farai pas leu cèrtas-a la meuna
Car ieu ne soi dedins la tor.

Dins una preson tant escura
Que non se vei solelh ni jorn
Res que per una lucarneta
Que revèrta l’alba del jorn.

Se pr’aqui passa una irondèla
Messatgièra dels amorόs
Vai te’n me dire a ma minhona
Que me ne’n manda un pastisson.

Que siasque pas de carn de lèbre
Ni d’escarpa ni de peisson
Que siasque garnit per un fabre
De limas e d’un martelon.

Amb la lima aurem las enfèrrias
Amb lo martèl aurem la tor
E quand la tor serà batuda
Los presonièrs auran lo jor.

Fermer