(F. Aussibal, L. Gauthier)
Qu'an un Pic de Meidia cadun,
L'un de Bigòrra, l'aute d'Aussau,
L'un qu'a ua punta, l'aute n'a duas,
Aquò sufeish ta vesiar mau.
Arrepic :
Biarnés e Bigordans non se pòden pas empachar,
Diu vivant, de hèr a nhica-nhaca,
Mès quan arriban au pè de l'empont entà cantar,
Diu vivant, l'ahèr qu'ei pedaçat.
Cadun ei fièr de suas montanhas
De qui hèn riban de Tarba a Pau,
Hautas per l'un, per l'aute Baishas
Atlanticas si se'n sap mau.
Las bèstias sus los escussons
Que son las vacas e los lions,
L'un de la jungla qui n'ei lo rei,
L'auta, sacrada, qui balha lèit.
Mès lo malaise ei mes pregond,
Vien de las guèrras d'arreligion,
Deu temps on la Jana d'Albret
Hasó escanar los Tarbés.