Beròia, berogina

(Tradicionau biarnés)

Beròja, berogina, vos qui aimatz los pastors,
Vos qui aimatz tots los autes, si m’aimaretz a jo ?

Jo qu’aimi tots los autes, tanben que’us aimarèi
Tots los qui a jo m’agradan, be’us acontentarèi !

Beròja, berogina, si m’aimaretz atau,
Vos comparí raubetas e beròis devantaus.

Galant, jo no’vs coneishi, ni que non sèi d’on ètz,
Guardatz-ve las raubetas tà las qui coneishetz.

Dens vòste còr, beròja, tan de finestras i a,
Totas, que’n son barradas, que jo n’i poish entrar.

Galant, b’ètz gran parlaire, plaser ei de v’escotar
Semblatz parent de l’aire qui pertot vòu entrar.

Quan la mar seré encra, la tèrra tot papèr
N’i auré pas tà’scríver lo regret qui jo èi.

Au cèu, i a tant d’estelas, au bòi autant de flors,
Com èi versat de larmas, la mia bèra, per vos !

Fermer