Una filheta de quinze ans
Gran Diu que n'es tant amorosa
Ma maire me cal un galant
Aqui siré la mes urosa
Li farè escotar mon cant.
Quand la maire n'enten aquò
Que se filha es tant amorosa
La caldrà metre religiosa
Religiosa dens un covent
Aqui sirà la bienurosa
Pregarà Diu a tot moment.
Quand la filha n'enten aquò
Que religiosa devià èstre
Puèja sul còp dens sa crambeta
En arrincant le siu pel rós
E ses polidis pendents d'aurelha
Dire adiu a l'amorós.
Son petit fraire le capdèth
Que nèit e jorn se la consòla
Consòla-te ma sòr Naneta
Mon paire te maridarà
Ambe le que ton còr desira
Tu be l'auràs quan tu voldràs.
Le que mon còr desira tant
N'es pas ací dens aquesta vila
Que n'es partit per l'America
Pensi qu'un jorn ja tornarà
Rossinholet vè-te'n li dire
Vòli morir dens le siu braç